🔴25 வருடங்களின் பின் தாய்வானில் சக்திவாய்ந்த நிலநடுக்கம் (வீடியோ)

தாய்வானின் கிழக்குக் கடற்கரைப் பகுதியில் இன்று (03) காலை 7.4 ரிக்டர் அளவில் ஏற்பட்ட நிலநடுக்கம் காரணமாக தாய்வான் மற்றும் அதன் அண்டை நாடுகளுக்கு சுனாமி எச்சரிக்கை விடுக்கப்பட்டுள்ளது.  .

தாய்வானின் ஹுவாலியன் நகருக்கு தெற்கே 18 கிலோமீட்டர் தொலைவில் இந்த நிலநடுக்கம் ஏற்பட்டுள்ளதாக  தெரிவிக்கப்படுகிறது .

நிலநடுக்கம் காரணமாக தாய்வான் ஹுவாலினில் பல கட்டிடங்கள் சேதமடைந்துள்ளது .

தாய்வானில் கடந்த 25 ஆண்டுகளில் ஏற்பட்ட மிக சக்திவாய்ந்த நிலநடுக்கம் இது என நில அதிர்வு அதிகாரிகள் தெரிவித்துள்ளனர்.


தாய்வானில் ஏற்பட்ட நிலநடுக்கத்தால் ஜப்பானுக்கு சுனாமி எச்சரிக்கை விடுக்கப்பட்டு ,   2 மணி நேரத்திற்கு பின்பு  அந்த எச்சரிக்கை விலக்கிக் கொள்ளப்பட்டுள்ளதாக அறிவிக்கப்பட்டுள்ளது .

வீடியோ 👇