🔴எதிர்காலத்தில் கடல் மட்டம் பல மடங்கு அதிகரிப்பு , வெள்ளங்கள் சாதாரணமாக ஏற்படும் - நாசா

காலநிலை மற்றும் வலுவான எல் நினோ (கடல் வெப்பமாக நிலை) நிலைமைகள் காரணமாக 2022ம் ஆண்டை விட  2023ம் ஆண்டு  கடல் நீர் மட்டம் சுமார் 0.3 அங்குலங்கள் உயர்ந்துள்ளதாக  நாசா தெரிவித்துள்ளது .

1993 முதல் 2023 வரையான காலப்பகுதியில் செயற்கைக்கோள் மூலம் பெற்றுக்கொண்ட  தரவுகளின் அடிப்படையில் உலகளாவிய சராசரி கடல் மட்டம் சுமார் 4 அங்குலங்கள் உயர்ந்துள்ளதாக நாசா நிறுவனம் நடத்திய ஆய்வில் இருந்து தெரிய வந்துள்ளது .

பல காரணங்கள் காரணமாக உலகில் கடல் நீரின் மட்டம் தொடர்ந்தும் அதிகரித்து வருவதாகவும், 2050ம் ஆண்டுக்குள் கடல் மட்டம் மேலும் 20 சென்டிமீட்டர் உயரும் வாய்ப்பு இருப்பதாக நாசா தகவல் வெளியிட்டுள்ளது .

இந்த கடல் நீர் மட்ட அதிகரிப்பு ஆனது எதிர்வரும் 30 வருடங்களில் , கடந்த 100 ஆண்டுகளில் ஏற்பட்ட அதிகரிப்பை விட இரண்டு மடங்கு அதிகரிப்பை ஏற்படுத்தும் என தெரிவிக்கப்படுகிறது .

இந்த நிலை காரணமாக எதிர்காலத்தில் வெள்ளப்பெருக்கு என்பது சாதாரணமாக இருக்கும் என அந்த அறிக்கையில் தெரிவிக்கப்படுகிறது .